BAYYINAANGO
DENTAL JOOM LEYƊE YIRLAAƁE JEERI WAALO JAAN to falnde Mbaañ, ine tintina yimɓe leydi ndii e caggal mum, ko arata koo :
Caggal ciimtol nulaaɓe Dental Joom Leydi en Walodiane to Nuwaasoot tuggi 18 haa 22 Duujal 2026, ngam yettinde laamu nguu mettere yimɓe nokku oo, tuugnaade e konngi nunal garooje ɗii :
- Humpitaade ngonka nokku oo e heɓde kabaruuji goɗɗi, caggal caaktugol wideyooji nder jaayɗe, jangtotooɗi ciifonfondiral nanondiral hakkunde laamu Muritani e Gollodiiɓe sinuwaanaaɓe ;
- ɓetdude e jagge nokku oo wonɓe Nuwaasoot baɗte baawɗe heɓtaade yimɓe nokku oo kam e jogiiɓe hakke e leydi toɗɗaandi ndii ;
- winndude laamu nguu e jooɗorde leydi Siin, ngam hollitde luulngagol mum nanondiral ngal.
Yenaneede ɓe wonde nulaaɓe ɓee ko jamfiiɓe nulal nulanoo ngal, sibu maɓɓe dagnude feere loppitgol leydi, e salaade ɓe heddaade e nulal ɓe nulanoo ngal ;
Minen joom en leydi en Walodiane dagiiɓe ɓee, amin njenna jamfa nulanooɓe ɓee, diwtinɓe mbaawka Dental ngal taƴananoo ɗum en kaa.
Amin teeŋtina wonde leyɗe amen keɓtotaako, tee min njaɓaani laamu Muritani ine hasa leyɗe amen Fedde sinuwaanaare. Amin njokki salaade ŋatgol e yiɗde laamu nguu teettude leyɗe Mbaañ e leyɗe Worgo leydi ndii e sifaa kuuɓtodinɗo. Amin haɓɓii ɗum noon, tee amin pelliti daraade ngam hisnude jeyi amen.
Amin ceedna yimɓe leydi ndii e boowal mum, teeŋtugol luure jogorɗe jolde ɗee hoto njuumtude e fekkooru mawndu.
Yimɓe nokku oo noon ko dariiɓe, tee ko fellitde daranaade ngam hisnude jeyi mum en leydi.
Amin eeroo laamu nguu nde yahtirta caggal e ndee yiɗde teettude ɓiɓɓe leydi leyɗe mum en ɗe ndoni e taaniraaɓe mum en.
Caggal nde jeyiiji amen panndani min, amin keɓii e haaldude e Laamu nguu e kala gollodiiɗo baawɗo wonde, ngam gollaade leyɗe amen, so min diisnaama, min njeyaama haa timmi ko adii, e denndaangal daawe ƴettugol peeje e ciynugol.
Dabbe, ñalnde 04 korse 2026
soswaalojaan2026@gmail.com